मझगावा सेवक की माटी बोल उठी, आजु मान बढ़ाय दीहिस, द्विवेदी खंडान के लइका ने, मेहनत से मुकाम पाय लीहिस

अवधी पंडित शशिकांत
जिला संवाददाता – उपदेश टाइम्स
स्थान: आदित्य बिड़ला ऑडिटोरियम, जयपुर
उन्नाव जनपद के मझगावा सेवक की माटी आजु गर्व से बोल उठी ह। एही गांव के होनहार नौजवान प्रशांत कुमार द्विवेदी, सुपुत्र महेश कुमार द्विवेदी अउ रानी द्विवेदी, ने जयपुर के आदित्य बिड़ला ऑडिटोरियम मं आयोजित चार्टर्ड अकाउंटेंट संस्थान के दीक्षांत समारोह मं सफलता हासिल कइके अपन परिवार, गांव अउ पूरे जनपद के नाम रोशन कीन।
बरसन की कठिन मेहनत, अनुशासन अउ सच्ची लगन के बल पर प्रशांत कुमार द्विवेदी ई साबित कइ दीहिन कि अगर इरादा मजबूत होय, त गांव की माटी से निकलिके भी ऊंचा मुकाम हासिल कइ सकत ह।
दीक्षांत समारोह मं प्रमाण-पत्र पावत समय माता-पिता के आंखिन मं खुशी अउ गर्व साफ झलके रहा। द्विवेदी खंडान के संस्कार, सादगी अउ परिश्रम आजु मंच पर साकार नजर आए। समारोह के बाद परिवार संग खिंचाई गई तस्वीरन मं सफलता के उजास साफ दिखत रहा।
मझगावा सेवक गांव मं खबर पहुंचत ही बधाई देय वालों का तांता लग गवा। गांव के बुजुर्गन, युवान अउ शुभचिंतकन द्वारा ढेर सारी शुभकामनाएं दी जात रहीं।
ई उपलब्धि आजु के नौजवानन खातिर प्रेरणा ह—कि मेहनत कबहूं खाली नाहीं जात, अउ माटी से जुड़िके चलै वाला बेटा एक दिन समाज के पहचान बन जात ह।